140 

सिन्धुली । सिन्धुलीमा दोस्रो जिल्ला स्तरीय खेलकुद सप्ताहा २०७९ सुरु भएको छ । राष्ट्रिय निजी तथा आवासीय विद्यालय एसोएिसन नेपाल (नेश्नल प्याब्सन) सिन्धुलीको आयोजनामा शनिबारबाट खेलकुद सप्ताहा सुरु भएको हो ।

प्रतियोगिताको उद्घाटन नेश्नल प्याब्सनका केन्द्रीय सचिव कृष्णकुमार उप्रेतीको प्रमुख आतिथ्यतामा गरिएको नेश्नल प्याब्सन सिन्धुलीले जनाएको छ ।

सिन्धुलीमाढी स्थित खुल्लामन्चमा आयोजित प्रतियोगिताको उद्घाटन गर्दै प्रमुख अतिथी उप्रेतीले खेलकुद अतिरिक्त कृयाकलापका लागि मात्र नभएर स्वास्थ्य र विद्यार्थीहरुको सर्वाङ्गीण विकासका लागि आवश्यक रहेको बताउनुभयो । उहाँले भन्नुभयो, स्वस्थ जिवन र मस्तिस्कले मात्र गुणस्तरिय शैक्षिक सिकाइ हाँसिल गर्न सकिन्छ ।

समग्र शैक्षिक उपलब्धीका लागि खेलकुदका विभिन्न माध्यमबाट विद्यार्थीहरुलाई अनुशासित, लगनशिल, मेहनती र प्रतिस्पर्धी बनाउन उत्प्रेरित गर्दछ । यसलाई शैक्षिक सिकाई प्रकृयामा जोड्न सकिन्छ ।’ भगवती आवासिय अंग्रेजी माविका संस्थापक प्रिन्सीपल समेत रहनु भएका उप्रेतीले गुणस्तरीय शिक्षाका लागी विद्यार्थीहरुमा शारिरिक तन्दुरुस्ती पनि उत्तिकै महत्वपूणर् रहने उल्लेख गर्नुभएको छ । प्रतियोगितामा जिल्लाका दश वटा निजी विद्यालयको सहभागिता रहेको छ ।

प्रतियोगितामा माध्यमिक तहका छात्र/छात्राहरुविचमा भलीबल, फुटवल लगायतका विभिन्न विधामा प्रतिस्पर्धा हुने छ । प्रतियोगिता आगामी मंगलबारसम्म चल्ने बताइएको छ । नेश्नल प्याब्सन सिन्धुलीका अध्यक्ष सोनाम बजुको अध्यक्षतामा भएको उद्घाटन कार्यक्रममा नेश्नल प्याब्सन संग आबद्ध विद्यालयका शिक्षक, विद्यार्थी, कर्मचारी तथा नेश्नल प्याब्सन सिन्धुलीका पदाधिकारीहरुको उपस्थिती रहेको थियो ।